به گزارش حوزه افغانستان باشگاه خبرنگاران جوان، برخی از اعضای شورای ولایتی بادغیس اعلام کردند که پس از پیوستن بیش از 150 شهروند این ولایت به طالبان، افراد این گروه بیش از 10 خانۀ حامیان دولت را آتش زدند.

«فرید اخیزی»، معاون شورای ولایتی بادغیس گفت: طالبان روز گذشته با حمله بر بخش‌های «سنیه اردو» و «تگاب رباط» ولسوالی‌ آبکمری، شماری از خانه‌های مسکونی را به آتش کشیدند.

به گفتۀ وی، افرادی که به طالبان پیوسته اند، شهروندان روستاهای برج، سربیشه و ریگی ولسوالی‌های قادس و جوند می‌باشند.

معاون شورای ولایتی بادغیس می‌گوید در درگیری روز گذشته 2 نیروی امنیتی و 5 تن از طالبان کشته شدند. آمار دقیق زخمیان تاکنون مشخص نیست.

گروه طالبان اعلام کرده است که حدود 200 تن از شهروندان 27 روستا از ولسوالی‌های «قادس» و «جوند» بادغیس همراه با سلاح هایشان به این گروه پیوسته اند.

انتهای پیام/