آغاز کمپین واکسیناسیون پولیو در افغانستان
کمپین واکسیناسیون بیماری فلج کودکان در 16 ولایت افغانستان آغاز شده است.
وزارت صحت عامه حکومت سرپرست از آغاز کمپاین فرعی واکسیناسیون بیماری فلج کودکان از امروز دوشنبه (8 دلو) در 16 ولایت کشور خبر داد.
به گفته این وزارت، این کمپاین در ولایت‌های کابل، ننگرهار، لغمان، کنر، نورستان، قندهار، هلمند، زابل، ارزگان، پکتیا، پکتیکا، خوست، غزنی، بغلان، هرات و بادغیس از 8 تا 10 دلو ادامه خواهد داشت.
قرار است در این دور حدود 6 میلیون کودک زیر پنج سال واکسن بیماری فلج کودکان دریافت کنند.
