![دوقلوزایی نادر یک پاندا در ۱۹ سالگی + فیلم](https://cdn.yjc.ir/files/fa/news/1403/5/27/19713548_388.jpg)
به گزارش حوزه افغانستان باشگاه خبرنگاران جوان، تاجیکستان که امروز و فردا میزبانی اجلاس سران سازمان همکاری شانگهای را بر عهده دارد، با حضور نماینده طالبان در این نشست مخالفت کرده است.
عبداللطیف پدرام، رئیس حزب کنگره ملی افغانستان در صفحه فیسبوکش نوشت که تاجیکستان با حضور نماینده طالبان در نشست شانگهای موافقت نکرده است.
پدرام افزود: جمهوری تاجیکستان موضع روشن و قانونی داشت چون طالبان تا به حال از طرف هیچ کشوری به رسمیت شناخته نشده است.
نشست شانگهای در شهر دوشنبه تاجیکستان امروز با حضور سران سازمان شانگهای آغاز شد و تا فردا ادامه خواهد داشت.
سازمان همکاری شانگهای سازمانی میاندولتی است که برای همکاریهای چند جانبه امنیتی، اقتصادی و فرهنگی تشکیل شده است.
این سازمان در سال ۲۰۰۱ با همکاری چین، روسیه، قزاقستان، قرقیزستان، تاجیکستان و ازبکستان با هدف برقرار کردن موازنه در برابر نفوذ آمریکا و ناتو در منطقه پایهگذاری شد.
افغانستان بارها خواستار دریافت عضویت کامل این سازمان شده است، اما تاکنون به عنوان عضو ناظر باقی مانده است. ایران، پاکستان، هند و مغولستان دیگر اعضای ناظر این سازمان هستند.
انتهای پیام/