جلوگیری از قاچاق دو تُن مواد مخدر از افغانستان به تاجیکستان در 2017

به گزارش حوزه افغانستان باشگاه خبرنگاران جوان، نیروهای مرزی تاجیکستان اعلام کردند که در سال ۲۰۱۷ از قاچاق دو تُن مواد مخدر در مرز افغانستان و تاجیکستان جلوگیری شده است.

محمد اولوغ خواجه‌اف، سخنگوی نیروی مرزی تاجیکستان گفته است که در این سال دستکم ۱۸ قاچاقچی مواد مخدر نیز از سوی مرزبانان این کشور کشته شده اند.

به گفته او، در این سال همچنان ۳۱ درگیری میان مرزبانان تاجیکستانی و قاچاقچیان مواد مخدر رخ داده است.

این گزارش افزوده است که در سال ۲۰۱۷ حدود ۲۰ قاچاقچی مواد مخدر از سوی مرزبانان تاجیکستان بازداشت شده اند.

این درحالی است که پیشتر بر اثر درگیری میان مرزبانان تاجیکستانی و قاچاقچیان مواد مخدر، چند مرزبان این کشور کشته شد و در پی آن، دولت تاجیکستان تمام مرزهای خود را به روی افغانستان مسدود کرد، اما پس از گفتگوی مقامات دو کشور دوباره بازگشایی شد.

انتهای پیام/