رئیس جمهور تاجیکستان در این دیدار گفت: تاجیکستان خواستار صلح و ثبات در افغانستان می‌باشد و آماده است با افغانستان در تمام عرصه‌ها همکاری نماید.
رئیس جمهور تاجیکستان صلح و ثبات در افغانستان را به نفع صلح و ثبات و رشد و توسعه اقتصادی در منطقه خواند و خواستار گسترش روابط اقتصادی میان دو کشور گردید.
رئیس اجرائی دولت افغانستان نیز در این دیدار با قدردانی از استقبال گرم دولت و مردم تاجیکستان، روابط میان دو کشور را حسنه خواند و افزود: تاجیکستان از دوستان و متحدان نزدیک افغانستان است.
عبدالله بر تحکیم و گسترش روابط میان دو کشور تاکید نمود و خواستار افزایش داد و ستد تجاری و توسعه اتصال منطقه ای میان دو کشور گردید.
انتهای پیام/