سازمان ملل نهادهای تحصیلی افغانستان را تجهیز می‌کند
معاون یوناما در دیدار با سرپرست وزارت تحصیلات عالی طالبان به تجهیز نهادهای تحصیلی افغانستان تعهد کرده است.
دفتر مطبوعاتی وزارت تحصیلات عالی با نشر خبرنامه‌ای گفت شیخ نداء محمد ندیم، سرپرست این وزارت با اندریکا راتواته، معاون یوناما دیدار و گفتگو کرده است.
سرپرست وزارت تحصیلات عالی گفته است این وزارت در سال روان، تجهیزات لابراتواری به ارزش ۲۷۰ میلیون افغانی خریداری کرده و تلاش می‌کند اشخاص متخصص و مسلکی را آموزش دهد.
ندیم از یوناما خواسته تا در زمینه تقویت نظام تحصیلی و تأمین وسایل عصری برای مراکز تحصیلی افغانستان همکاری کند.
در همین حال، معاون یوناما به همکاری در جذب استادان افغانستانی و خارجی و تجهیز نهادهای تحصیلی افغانستان تعهد کرده است.
