نورالدین عزیزی، سرپرست این وزارت عصر امروز دوشنبه 22 دلو، با گزیز اکباسوف، سفیر جمهوری قزاقستان مقیم کابل ملاقات نموده است.

گفته شده که در این دیدار دو طرف پیرامون ایجاد مرکز تجارتی در شهر آلماتی برای تاجران افغانستانی، عملی‌سازی تعهدات صورت گرفته میان تاجران دوکشور در قراردادها، سرمایه‌گذاری تاجران قزاق در افغانستان و ایجاد سهولت‌های لازم در صدور ویزه به تاجران افغانستان از سوی سفارت قزاقستان در کابل بحث و تبادل‌نظر نموده اند. 

در این ملاقات پیرامون راه‌های حل مشکلات تاجران و منازعات تجارتی میان آنها بحث صورت گرفته است.