وزارت معارف: مانع اعزام جوانان به پاکستان تحت نام آموزش های دینی می شویم
وزارت معارف افغانستان اعلام کرد که جلو رفتن جوانان و نوجوانان برای آموزش‌های دینی به سایر کشور‌ها به ویژه پاکستان را خواهد گرفت.
به گزارش حوزه افغانستان باشگاه خبرنگاران جوان، وزارت معارف افغانستان اعلام کرد که جلو رفتن جوانان و نوجوانان برای آموزش‌های دینی به سایر کشور‌ها به ویژه پاکستان را خواهد گرفت.
نجیبه آرین، سخنگوی وزارت معارف افغانستان گفت: در بسیاری از مدارس دینی پاکستان، جوانان و نوجوانان افراطیت را آموزش می‌بینند و حتی آن‌ها برای حمله‌های انتحاری آماده می‌شوند.
آرین گفت: «ما به عنوان وزارت معارف افغانستان مسئولیت داریم تا در داخل کشور زمینه خوبی را برای آموزگارها، چه در عرصه تعلیمات اسلامی یا تعلیمات عمومی فراهم کنیم و مصمم هم هستیم چون وظیفه وزارت معارف ارائه خدمات تعلیمی و تربیتی خوب برای شهروندان است.»
انتهای پیام/
