به گزارش حوزه افغانستان باشگاه خبرنگاران جوان، گروه هنری هنرسالار، به منظور تبیین پیامدهای مهاجرت غیرقانونی جوانان افغانستان، با دیوارنگاری و راه‌اندازی تئاتر خیابانی، این بار به ولایت بغلان در شمال افغانستان آمدند.

این گروه، چندین تصویر را در نقاط مختلف شهر پلخمری مرکز ولایت بغلان، با پیام محتوای «ما با هم می‌پاییم و با هم آباد می‌کنیم» رسم کرده‌اند.

همچنان نمایش‌های خیابانی را در جمع مردم اجرا کردند که بیانگر پیامدهای منفی مهاجرت نامصون و غیرقانونی است.

ذبیح مدبر، مسئول برنامه‌های گروه هنرسالار، هدف از این فعالیت‌شان را آگاهی‌بخشیدن از خطرات مهاجرت‌های غیرقانونی به کشورهای خارجی می‌خواند.

مدبر گفت: در شمال افغانستان، ولایت بغلان پس از ولایت‌های تخار، بدخشان و مزارشریف، چهارمین ولایتی است که برنامه آگاهی‌دهی گروه هنرسالار برای مردم در آن به اجرا گذاشته می‌شود.

ولایت بغلان در شمال افغانستان، در سال‌های اخیر شاهد ناگواری‌های زیادی از آدرس جنگ و ناامنی بوده است که به باور مردم، این موضوع سبب فرار شهروندان به ویژه جوانان به کشورهای خارجی شده است.

به نوشته فرهنگ، گروه هنرسالار تصمیم دارد به زودی فعالیت‌های خود درباره خطرات جنگ و مهاجرت‌های غیرقانونی را در ولایت‌های جنوب کشور به نمایش بگذارند.

انتهای پیام/