سرپرست قوماندانی امنیه ولایت تخار گفت با هماهنگی اردوی ملی و پلیس سرحدی، آمادگی لازم را در سرحدات گرفته اند و در حال حاضر هیچ نگرانی امنیتی در مرز میان ولایت تخار و تاجیکستان وجود ندارد.
قاری ذکرالله ذاک، سرپرست قوماندانی امنیه ولایت تخار می‌گوید پس از روی کار آمدن طالبان چندین قاچاق‌بر مواد مخدر در مرز این ولایت با تاجیکستان بازداشت شده اند و قاچاق مواد مخدر در سرحدات این ولایت به صفر رسیده است.
مسئولان امنیتی تخار می‌گویند اکنون بیشتر نیروهای امنیتی این ولایت را در سرحدات مستقر کرده اند.
شش ولسوالی تخار در ماوارای کوکچه با کشور تاجیکستان هم مرز است.
باشندگان تخار نیز خواهان آن هستند که حکومت با همسایه ها روابط حسنه برقرار کند.