دو نفر از مقامات دولتی افغان اظهار کردند که در بمباران یک هواپیمای تاجیکستانی و یا روسی در شمال شرق افغانستان شش فرد مسلح و دو نفر از نیروی مرزی تاجیک کشته شدند.
«خلیل اسیر» سخنگوی پلیس «تخار» اظهار داشت که روسی و یا تاجیکستانی بودن این هواپیما هنوز مشخص نیست اما تعدادی از اعضای طالبان کشته و زخمی شده‌اند.
از سوی دیگر، «جاوید هجری» سخنگوی والی تخار تاکید کرد که ماهیت این هواپیماها و تعلق آن‌ها به تاجیکستان و یا روسیه مشخص نیست اما تصریح کرد که شش نفری که در درگیری با نیروهای مرزی تاجیکستان کشته شدند قاچاقچی مواد مخدر بودند.
هجری تاکید کرد: هویت قاچاقچیان مواد مخدر نامشخص است.
«ذبیح‌الله مجاهد» سخنگوی طالبان نیز در واکنش به این اظهارات مقامات افغان تاکید کرد که درگیری بین قاچاقچیان مواد مخدر و نیروهای مرزی تاجیکستان به وقوع پیوسته است و در این حمله قاچاقچیان در یک منطقه جنگلی بمباران شده‌اند.
سخنگوی طالبان با رد گزارش مقامات افغان و برخی رسانه‌ها از کشته شدن اعضای این گروه گفت که طالبان اجازه درگیری با کشورهای همسایه را ندارند.
وزارت دفاع تاجیکستان نیز هرگونه حمله هوایی به ولایت تخار در مرز افغانستان را تکذیب کرد.
یک مقام وزارت دفاع تاجیکستان در این خصوص اعلام کرد: ما حق هیچگونه حمله هوایی به قلمرو کشور خارجی را نداریم، حتی اگر چنین نیازی وجود داشته باشد، ابتدا باید جلسه سازمان پیمان امنیت جمعی تشکیل و این موضوع بررسی شود و صرفا پس از مشاوره نهادهای نظامی می توان چنین تصمیمی اتخاذ کرد.
انتهای پیام/