صلیب سرخ:
جلوگیری از فروپاشی خدمات عمومی در افغانستان نیازمند اقدام فوری است
مدیرکل کمیته بین‌المللی صلیب سرخ که به‌تازگی به افغانستان سفر کرده، از کشورهای کمک کننده خواست که برای تقویت اقتصاد این کشور و جلوگیری از فروپاشی خدمات عمومی اقدام فوری کنند.
باشگاه خبرنگاران جوان - مدیرکل کمیته بین‌المللی صلیب سرخ، امروز یکشنبه (۸ حوت/ اسفند) با نشر توئیتی از وضعیت بشری در افغانستان ابراز نگرانی کرده و خواستار اقدام جدی کشورهای کمک‌کننده شد.
رابرت ماردینی تاکید کرده که کمیته بین‌المللی صلیب سرخ در کنار مردم افغانستان خواهد ماند زیرا آینده نامشخص است.
به تازگی هیاتی از نمایندگان نهادهای کمک‌رسان سازمان ملل هم که وضعیت بشری افغانستان را بررسی کرده، گفته است که سطح نیازهای کمک بشردوستانه در این کشور بی‌سابقه است و بیش از ۲۴ میلیون تن، حدود ۵۹ درصد از جمعیت افغانستان به کمک‌های نجات‌بخش نیاز دارند.
انتهای پیام/م
