منابع محلی در شهر «وحدت» تاجیکستان از اخراج 47 پناهجوی افغانستانی به‌صورت اجباری خبر داده اند.

این افراد که عمدتاً رانندگان و مالکان خودروهای تاکسی در شهر وحدت بودند، دارای مدارک معتبر پناهندگی از کمیساریای عالی سازمان ملل در امور پناهندگان بودند.

به گفته منابع محلی برخی از این پناهجویان به مقر امنیتی شهر وحدت فراخوانده شدند و تعدادی دیگر از پناهجویان در مراکز شلوغ شده از سوی نیروهای امنیتی تاجیکستان بازداشت و به افغانستان بازگردانده شدند.

شهر وحدت در 20 کیلومتری شرق دوشنبه واقع شده، تنها منطقه‌ای است که دولت تاجیکستان به پناهجویان افغانستانی اجازه اقامت داده است.

تاکنون نهادهای بین‌المللی، از جمله کمیساریای عالی پناهندگان سازمان ملل واکنشی به این رویدادها نشان نداده است.