بخش غذا و زراعت سازمان ملل متحد با نشر گزارشی اعلام کرد برای کمک به هشت میلیون تن در افغانستان در سال جاری میلادی، به بیش از ۲۵۲ میلیون دلار نیاز دارد.

به گفته این نهاد، هنوز شوک‌های اقلیمی، سیاسی و اقتصادی در افغانستان ادامه دارد.

این در حالی است که کاهش کمک‌های بین‌المللی همزمان با بحران اقتصادی و اوج بیکاری در افغانستان، بیشتر شهروندان بی‌بضاعت کشور را نگران کرده است.

پیش از این نیز نهادهای کمک‌رسان همواره از وضعیت وخیم بشری شهروندان ابراز نگرانی کرده‌اند.

با روی‌کارآمدن طالبان و افزایش بیکاری، سطح فقر در کشور افزایش داشته و شهروندان را مجبور به مهاجرت‌های غیرقانونی نیز کرده است.