ذبیح‌الله مجاهد، سخنگوی طالبان در واکنش به گفته‌های رئيس جمهور تاجیکستان، مبنی بر بدل‌شدن ولایت‌های شمالی افغانستان به محل پرورش تروریستان بین‌المللی، آن را بی‌اساس خوانده و می‌گوید که برای رفع این نگرانی، خواهان گفتگو با تاجیکستان است.

مجاهد امروز گفت: «ما خواهان گفتگو با رؤسای جمهور کشورها هستیم و به آن‌ها اطمینان می‌دهیم که استراتژی طالبان این است که به هیچ کشور زیان وارد نمی‌شود.»

شرکت‌کنندگان دومین نشست سران آسیای میانه و کشورهای اتحادیه‌ اروپا که در قیرقیزستان برگزار شده بود، بر تشکیل حکومت فراگیر، تأمین حقوق زنان و مبارزه با تروریزم در افغانستان تأکید کرده‌اند.