وزارت خارجه تاجیکستان از دیدار هیاتی از این وزارت معاون امور خارجه انگلیس در خصوص اوضاع افغانستان خبر داد.

در اعلامیه وزارت خارجه تاجیکستان آمده است در این گفت وگو، طرفین در مورد طیف گسترده‌ای از موضوعات مورد همکاری دوجانبه در زمینه‌های سیاسی و اقتصادی، سرمایه‌گذاری و تجارت، تهدیدهای امنیتی مانند تروریزم و افراط‌گرایی تبادل نظر کرد‌ه‌اند.

وزارت خارجه تاجیکستان افزود تقویت مرزها و حمایت فنی از پروژه‌ها و برنامه‌های انرژی سبز تاجیکستان و اهمیت سازماندهی سفرهای مقام‎های عالی‌رتبه دو کشور از دیگر موضوعاتی بود که در این گفتگوی سیاسی مورد بحث و بررسی قرار گرفته‌اند.

وزارت خارجه‌ تاجیکستان گفت در پایان این گفتگوی سیاسی، سران هیأت‌ها سند تفاهم همکاری بین وزارت امور خارجه جمهوری تاجیکستان و وزارت امور خارجه و توسعه بین‌المللی انگلیس و ایرلند شمالی را امضا کرده‌اند.

به گفته این وزارت، هیأت‌های تاجیکستان و انگلیس توافق کردند که به گفت وگوی سازنده به منظور تقویت روابط در زمینه‌های مورد علاقه‌ دوجانبه ادامه دهند.