امامعلی رحمان، رئیس جمهور تاجیکستان در رأس یک هیئت عالی رتبه سیاسی، اقتصادی عازم جمهوری اسلامی ایران شد.

رؤسای جمهور ایران و تاجیکستان بر تأمین امنیت در افغانستان و ایجاد دولتی فراگیر تأکید کردند.

رئیس جمهور تاجیکستان در نشست خبری درباره مواضع تاجیکستان نسبت به اوضاع افغانستان گفت ما با در نظرداشت وضعیت حساس امروز منطقه و جهان،  منافع خود را در زمینه رشد همکاری ها برای تأمین امنیت تأکید نموده‌ایم و در رابطه به وضع جاری افغانستان توجه خاص داشتیم.

تاجیکستان جانب داری خود را از همه گونه تلاش‌های سیاسی، دیپلماتیک و کمک‌های بشری که کمک به تأمین امنیت و پیشگیری از فاجعه های انسانی که در این کشور روانه شده است را  ابراز نمود.

رئیس جمهور تاجیکستان گفت موضع ما این است که تأسیس حکومت فراگیر با اشتراک تمام نمایندگان گروه‌های قومی، سیاسی و اجتماعی و همچنین تحقق حقوق و آزادی آنها عامل کلیدی صلح و ثبات در آن کشور است.

امامعلی رحمان گفت تقویت همکاری‌ها در مبارزه بر ضد تروریزم، قاچاق مواد مخدر، جنایتکاری متشکل فرا ملی به نفع هر دو کشور و منطقه است.