دولت اوزبیکستان تأیید کرد که روند بازسازی میدان هوایی مولانا جلال‌الدین بلخی در شهر مزار شریف را دوباره از سر گفته است.

دانیار قربانوف یکی از دیپلمات‌های اوزبیکستانی در نشستی در روسیه ضمن تأیید این خبر گفت که "تاشکند برای بازسازی افغانستان به عنوان پلی میان آسیای مرکزی و جنوبی تلاش می‌کند."

به گفته دانیار قربانوف، کار بازسازی میدان هوایی مولانا جلال‌الدین بلخی به درخواست طالبان از سر گرفته شده است.

کار بازسازی این میدان توسط اوزبیکستان در اواخر سال ۲۰۲۱ در زمان حکومت پیشین، شروع شده بود.

اوزبیکستان می‌گوید در این میدان هوایی تجهیزات مربوط به امنیت پرواز، هواشناسی و همچنان خطوط پرواز و نشست هواپیماها بازسازی خواهد شد.

میدان هوایی جلال‌الدین محمد بلخی در شهر مزار شریف، یکی از چهار بزرگترین میدان‌های هوایی افغانستان است.