عبدالله عبدالله از افغانستان خارج شد
رئیس پیشین شورای عالی مصالحه افغانستان گفته است که در روزهای عید در سفر شخصی بیرون از افغانستان خواهد بود.
عبدالله عبدالله، رئیس پیشین شورای عالی مصالحه افغانستان که بعد از سقوط حکومت پیشین افغانستان در کابل بود، بعد از ۸ ماه از افغانستان خارج شد.
عبدالله عبدالله در صفحه توئیتر خود ضمن تبریک عید فطر گفته است که در روزهای عید در سفر شخصی بیرون از افغانستان خواهد بود.
هنوز مشخص نیست که عبدالله به مقصد کدام کشور سفر کرده است، اما سالهاست که خانواده او در هند زندگی می‌کنند.
حامد کرزی، رئیس جمهور اسبق افغانستان و عبدالله عبدالله، رئیس سابق شورای عالی مصالحه افغانستان از جمله چهره‌های سیاسی هستند که بعد از فرار محمد اشرف غنی، رئیس جمهوری پیشین افغانستان همچنان در کشور باقی ماندند.
