ساخت اردوگاه‌های موقت برای مهاجرین افغانستان در تاجیکستان
سخنگوی کمیته حالت های ویژه تاجیکستان گفت که اردوگاه‌های موقت برای مهاجرین افغانستان ۶۴ خیمه دارد و با خط برق، آب، حمام و آشپزخانه پیوست شده اند.
تاجیکستان از ساخت اردوگاه‌های موقت برای ورود احتمالی شهروندان افغانستان در جنوب شهر دوشنبه خبر داد.
گفته می‌شود این اردوگاه‌ها با حمایت کمیشنری عالی سازمان ملل متحد برای پناهندگان، بنیاد آغاخان و صندوق نجات کودکان ساخته شده است.
حمیده یوسفی، سخنگوی کمیته حالت های ویژه تاجیکستان گفت: «این اردوگاه ۶۴ خیمه دارد و با خط برق، آب، حمام و آشپزخانه پیوست شده اند.»
در حال حاضر میلیون‌ها تن از شهروندان افغانستان در کشورهای گوناگون مهاجر شده‌اند اما ایران و پاکستان از کشورهایی هستند که بیشترین شمار مهاجران افغانستان را در خود دارند.
