به گزارش حوزه افغانستان باشگاه خبرنگاران جوان، عمران خان، نخست‌وزیر پاکستان به صورت تلفنی با امام‌علی رحمان، رئیس جمهوری تاجیکستان در مورد افغانستان گفتگو کرد.

عمران خان در این گفتگوی تلفونی بر نقش مهم جامعه بین‌المللی در ارائه کمک‌های بشردوستانه لازم به افغانستان برای کاهش رنج مردم عادی تاکید ورزیده است.

نخست وزیر پاکستان با رحمان توافق کرده که به منظور هماهنگی بیشتر تلاش‌های خود در حمایت از صلح و ثبات در افغانستان در تماس باشند.

عمران خان پیشتر گفته‌بود که با رئیس جمهوری تاجیکستان در مورد مشارکت اقوام از جمله تاجیک‌ها در دولت طالبان رایزنی می‌کند.

قابل ذکر است که اخیرا تنش میان طالبان و تاجیکستان افزایش یافته است. امام‌علی رحمان، رئیس جمهور تاجیکستان بر تشکیل دولت فراگیر در افغانستان تاکید دارد اما طالبان آن را مداخله می داند.

انتهای پیام/