به گزارش حوزه افغانستان باشگاه خبرنگاران جوان، قرار است امروز (دوشنبه ۹ حمل/ فروردین) نشست موسوم به «روند استانبول ـ قلب آسیا» با میزبانی مشترک افغانستان و تاجیکستان در دوشنبه آغاز شود.

اشرف غنی، رئیس جمهور افغانستان و امام علی رحمان، رئیس جمهور تاجیکستان در افتتاحیه این نشست اشتراک و سخنرانی خواهند کرد.

همچنین نمایند‌گان حدود پنجاه کشور منطقه و جهان و سازمان‌های جهانی در این نشست شرکت می‌کنند.

میرویس ناب، معین سیاسی وزارت امور خارجه افغانستان که برای حضور در این نشست به تاجیکستان رفته است می‌گوید روند استانبول ـ قلب آسیا امسال با محوریت اجماع منطقه‌ای در مورد روند صلح افغانستان برگزار خواهد شد.

انتهای پیام/