به گزارش حوزه افغانستان باشگاه خبرنگاران جوان، به دنبال اعتراضات ساکنان غور، اداره ارگان‌های محلی نورمحمد کوهنورد، والی این ولایت را برکنار و عبدالظاهر فیض‌زاده را به جای وی گماشته است.

اداره ارگان‌های محلی اعلام کرد به پیشنهاد این اداره و حکم ریاست جمهوری، عبدالظاهر فیض‌زاده، به عنوان والی جدید ولایت غور منصوب شده است.

از چندین روز پیش، ده‌ها تن از شهروندان غور با برگزاری تجمع اعتراضی، خواهان برکناری نورمحمد کوهنورد، والی این ولایت شده‌اند.

آنها والی غور را به ناتوانی در تامین امنیت و مدیریت این ولایت متهم کرده و اعلام کردند که شماری از شهروندان غور از ۲۶ روز پیش در برابر ساختمان ولایت، خیمه تحصن برپا کرده و از حکومت می‌خواهند که والی این ولایت را برکنار کند.

انتهای پیام/