به گزارش حوزه افغانستان باشگاه خبرنگاران جوان، همزمان با سفر رئیس‌ جمهور افغانستان به ولایت پکیتکا، یک عضو شورای ولایتی و برخی از خبرنگاران اعلام کردند که اجازه حضور در جلسه رئیس ‌جمهور به آنان داده نشده است.

افسرخان سلیمان‌خیل، عضو شورای ولایتی پکتیکا در اعتراض به این اقدام، دهانش را با چسب بسته است.

وی در ویدئویی که در شبکه‌های اجتماعی منتشر کرده گفته است که به مردم و خبرنگاران نیز در نشست رئیس‌ جمهوری اجازه‌ حضور داده نشده و تنها کسانی شرکت کرده‌اند که مامورین دولت هستند.

همچنین خبرنگاران محلی در ولایت پکتیکا نیز اعلام کردند که اجازه حضور در نشست رئیس جمهور را ندارند.

گفتنی است که اشرف غنی، رئیس‌ جمهور افغانستان صبح امروز (شنبه ۱۲ میزان/ مهر) در راس یک هیات دولتی به ولایت پکتیکا سفر کرده است.

انتهای پیام/