به گزارش حوزه افغانستان باشگاه خبرنگاران جوان، مراسم تجلیل از نود و نهمین سالروز استرداد استقلال افغانستان با حضور اشرف غنی و  دیگر مقامات بلند پایه دولت این کشور برگزار شد.

اشرف غنی، رئیس جمهور افغانستان با گذاشتن گل در پای منار آزادی در محوطۀ وزارت دفاع این کشور این مراسم را آغاز کرد.

در مراسم امروز حامد کرزی، رئیس جمهور پیشین افغانستان، جنرال عبدالرشید دوستم، معاون اول رئیس جمهور، محمدحنیف اتمر، مشاور امنیت ملی، عبدالله عبدالله، رئیس اجرائی، محمد محقق معاون وی و شاهدخت هندیه دختر غازی امان‌الله خان حضور داشتند.

در این روز جاده‌های مرکزی شهر کابل و سایر شهرهای بزرگ شاهد تدابیر جدی امنیتی  اتخاذ شده است. پرچم‌های سه‌رنگ در جاده‌ها، بر سر مغازه‌ها و وسایط شهروندان در شهر کابل به چشم می‌خورد.

شهروندان افغان با برنامه‌های مختلف فرهنگی – ادبی از سالروز استرداد استقلال کشور شان، تجلیل می‌کنند.

شهر جلال‌آباد ولایت ننگرهار، جایی که مقبره‌های امان‌الله خان، بانی استقلال افغانستان و ملکه ثریا خانم وی، هست، شاهد برنامه‌های مختلف جشن و پایکوبی است.

۹۹ سال قبل از امروز، غازی امان‌الله خان، پادشاه وقت افغانستان، در ۲۸ اسد سال ۱۲۹۸ خورشیدی، روز استقلال کشور را از انگلستان اعلام کرد.

انتهای پیام/