به گزارش خبرنگار حوزه افغانستان باشگاه خبرنگاران، شب گذشته پولیس پاکستان ۴۳ نفر را با راه‌اندازی عملیاتی بازداشت کرده که ۴۰ نفر این بازداشت‌شده‌گان شهروندان افغانستان هستند.

پولیس پاکستان پس از حملۀ مرگ‌بار اخیر در شهر لاهور آن کشور عملیات‌های جست‌جو را به خاطر بازداشت عاملان آن حمله راه‌اندازی کرده‌است.

در حملۀ انتحاریی که سه روز پیش بالای شماری از مظاهره‌کننده‌گان در لاهور رخ داد، دست کم ۱۳ نفر کشته و بیش از ۷۰ تن دیگر زخمی گردیدند.

پولیس پاکستان این شهروندان افغان را در حالی به ظن دست‌داشتن در حملۀ تروریستی بازداشت می‌کند که مهاجران افغان در آن کشور بی‌توجه به این مسایل نیز هم‌چنان زیر آزار و اذیت قرار دارند.
اخیرا در گزارشی که دیدبان حقوق بشر به نشر رسانید، ۶۰۰ هزار پناه‌جوی افغان در سال ۲۰۱۶ مجبور به ترک پاکستان شده‌اند.