وزارت خارجه چین کشته و زخمی شدن تعدادی از اتباع این کشور در مرز افغانستان و تاجیکستان را تایید کرد.
طبق گزارش‌ها، در 18 نوامبر، یک گروه مسلح به یک شرکت خصوصی چینی در منطقه«زربوزی» واقع در شهرستان «شمس‌الدین شاهین» تاجیکستان حمله کردند. این حمله باعث کشته شدن یک شهروند چینی و زخمی شدن چهار نفر دیگر شد.
در واکنش به این حادثه، وزارت خارجه چین با انتشار بیانیه‌ای ضمن محکوم کردن این حمله، از وضعیت امنیتی در مرزهای افغانستان و تاجیکستان ابراز نگرانی کرد و از شرکت‌های چینی خواست تا تدابیر امنیتی بیشتری برای حفاظت از اتباع خود در این مناطق در نظر بگیرند.
گفته می‌شود که این حمله توسط افرادی صورت گرفته که از مرز افغانستان وارد تاجیکستان شده‌اند، اما هنوز هویت آن‌ها مشخص نشده است.
برخی منابع محلی احتمال می‌دهند که این افراد ممکن است اعضای گروه‌های شبه‌نظامی یا قاچاقچیان مواد مخدر باشند.
تاجیکستان، که در سال‌های اخیر به دلیل تهدیدات امنیتی ناشی از وضعیت افغانستان در حالت آماده‌باش است، تاکنون واکنش رسمی به این حمله نداشته است.