محمدباقر قالیباف رئیس مجلس شورای اسلامی ایران در دیدار با روسای مجلس شماری از کشور‌ها از جمله تاجیکستان درباره افغانستان گفت‌وگو کرده است.
بر بنیاد گزارش‌ها قالیباف در نشست بین پارلمانی تاجیکستان و روسیه در دیدارهای جداگانه درباره ثبات و امنیت در افغانستان و منطقه و هم‌چنین پیکار با قاچاق مواد مخدر و قاچاق اسلحه گفت‌وگو کرده‌اند.
محمد باقر قالیباف در این باره گفته است: «یکی از موضوعات مهم نیز تأمین امنیت منطقه است؛ به‌ویژه از آنجایی که ما کشورهای همسایه افغانستان هستیم، نیازمند تبادل و ایجاد هماهنگی برای برقراری ثبات و امنیت به‌ویژه در حوزه مبارزه با قاچاق مواد مخدر و اسلحه هستیم لذا این موضوعات نیز از محورهای گفت‌وگو در تاجیکستان بود.»