هدایت‌الله بدری، سرپرست وزارت معادن و پترولیم در رأس یک هیأت امروز (چهارشنبه) به ترکمنستان سفر کرد.
همایون افغان، سخنگوی وزارت معادن و پترولیم گفته است که این هیأت با مقامات ترکمنستان در شهر عشق‌آباد، پایتخت آن کشور دیدار خواهند کرد.
به گفته افغان، در این دیدار در مورد توسعه همکاری‌های دوجانبه در بخش پروژه‌های تاپ، راه آهن و همچنان آغاز کار عملی پروژه تاپی در افغانستان گفتگو خواهد شد.