عبدالمتین قانع، سخنگوی وزارت داخله طالبان، امروز (دوشنبه، ۲۹ جوزا) در یک نشست خبری در کابل گفت زمانی که مشکلات در وزیرستان ایجاد شد، مهاجران به افغانستان آمدند. طبعاً مهاجران از نگاه قوانین بین‌المللی حقوق خود را دارند. ما کوشش می‌کنیم که همه سهولت‌ها را برای آنها مهیا کنیم.
قانع افزود در صورت بازنگشتن مهاجران پاکستانی به کشور شان، طالبان می‌کوشد که حقوق آنها را در افغانستان تأمین کند.
پیش از این، نگرانی‌هایی از حضور نیروهای تحریک طالبان پاکستان در میان مهاجران پاکستانی و انتقال ۳۲۰ تن آنها به ولسوالی دشت‌قلعه تخار در رسانه‌ها گزارش داده بود.