امامعلی رحمان، رئیس جمهور تاجیکستان در نشستی با سران روسیه و کشورهای آسیای میانه از حضور شبه نظامیان و نیروهای انتحاری در مرزهای این کشور در افغانستان خبر داد.
امامعلی رحمان، رئیس‌جمهور تاجیکستان، امروز جمعه ۲۲ میزان/مهر، در نشستی با سران روسیه و کشورهای آسیای میانه از حضور شبه‌نظامیان و "نیروهای انتحاری" در مرزهای افغانستان ابراز نگرانی کرد.
رئیس جمهور تاجیکستان گفت: در افغانستان ده‌ها هزار نفر به شمول "بمب‌گذاران انتحاری" آموزش می‌بینند.
امامعلی رحمان گفت: "ما شاهد گسترش فعالیت گروه‌های مختلف تروریستی و افراطی در افغانستان هستیم".
رئیس جمهور تاجیکستان در این نشست که رؤسای جمهور روسیه، قرقیزستان، ترکمنستان و ازبکستان حضور داشتند گفت: "بیش از ۱۲ گروه تروریستی در افغانستان حضور دارند".