منابع محلی در فاریاب می‌گویند که طالبان به‌جای شماری از کارمندان برکنار شده افراد خودشان را استخدام کرده‌اند.
به گفته منابع، کارشناس اقتصادی، کارشناس فرهنگی، مدیر مطبوعات، آمر مالی و اداری، آمر تدارکات، مدیر اجرائیه ریاست سکتوری، مدیر تخصیصات و حواله جات، مدیر ارزیابی، مدیر اجرائیه ریاست دفتر، مدیر خریداری، مدیر اداری، مدیر آرشیف، ۴ تن از کارمندان زن و شماری از اجیران و رانندگان کسانی‌اند که از سوی طالبان برکنار شده‌اند.
طالبان علت برکناری این تعداد از کارمندان دولتی را ناکام ماندن آنان در ارزیابی‌های کاری سالانه خوانده‌اند.
طالبان پیش از این ۳۰ تن از کارمندان زن در اداره‌های محلی ولایت جوزجان را نیز به‌گونه گروهی برکنار کرده بودند.