سخنگوی وزارت خارجه روسیه گفت که سرگئی لاوروف، وزیر خارجه روسیه در نشست کشورهای همسایه افغانستان شرکت خواهد کرد.
ماریا زاخارووا گفت که نشست کشورهای همسایه افغانستان که قرار است در چین برگزار شود، فرصتی برای هماهنگی کشورهای منطقه جهت کمک به افغانستان و همچنین مقابله با تهدید گسترش تروریسم از افغانستان است.
سومین نشست کشورهای همسایه افغانستان ۳۱ مارچ با حضور وزیران خارجه روسیه، چین، ایران، پاکستان، تاجیکستان، ترکمنستان و ازبکستان برگزار خواهد شد.
دو نشست قبلی در اسلام‌آباد و تهران برگزار شده بودند.