باشگاه خبرنگاران جوان - بلال کریمی گفت طالبان به تمامی همسایه‌ها اطمینان می‌دهد که سرحدات ما محفوظ است و به شمول تاجیکستان هیچ کشور خارجی از خاک افغانستان مورد تهدید قرار نمی‌گیرد.
بلال کریمی، یکی از سخنگویان طالبان امروز سه‌شنبه (21 جدی) در توئیترش نوشت که اظهارات رئیس جمهور تاجیکستان که گفته است کمپ‌هایی با اهداف تخریبی در مناطق مرزی افغانستان با تاجیکستان ایجاد شده حقیقت ندارد و ما با قاطعیت این ادعا را رد می‌کنیم. طالبان با تمام کشورها روابط نیک می‌خواهد.
افراد مغرض، مخرب و فراری به جامعه جهانی به ویژه کشورهای همسایه معلومات غلط می‌دهند که به هیچ وجه درست نیست.
امام علی رحمان رئيس جمهور تاجیکستان در نشست ویژه پیمان امنیت جمعی از کشورهای عضو خواست که در اطراف افغانستان یک کمبرند امنیتی ایجاد کنند.
امام علی رحمان در این نشست گفته بود به طور کلی بر اساس اطلاعات تاجیکستان، بیش از 40 اردوگاه و مرکز آموزش تروریستها در ولایت‌های شمال شرقی افغانستان وجود دارد که بیش از شش هزار شبه نظامی را در خود جای داده است.
وضعیت در مرز تاجیکستان و افغانستان هر روز پیچیده‌تر می‌شود و درگیری‌های درونی طالبان درست در امتداد مرز رخ می‌دهد.
در هفته گذشته بیش از 11 نفر از نیروی طالبان در اثر درگیری بین خودی در نزدیکی مرز کشته و 18 تن دیگر زخمی شده‌اند.
انتهای پیام/ ر