به گزارش حوزه افغانستان باشگاه خبرنگاران جوان، امام‌علی رحمان، رئیس جمهور تاجیکستان در بیانیه‌ای گفت: «خاک افغانستان همچنان منبع گسترش تهدیدها و چالش‌های مدرن است و تاجیکستان که مرزی طولانی با این کشور دارد، در خط مقدم مقاومت در برابر آن‌ها قرار دارد.»
در بیانیه رئیس جمهور تاجیکستان آمده‌است که بحران عمیق سیاسی، نظامی، اقتصادی و اجتماعی در افغانستان بر نگرانی‌های جامعه جهانی افزوده و باعث ایجاد تنش در منطقه شده است.
رئیس جمهور تاجیکستان همچنین از آمادگی کشورش برای تسهیل روند کمک‌رسانی به افغانستان خبر داده و گفته است که تاجیکستان آماده‌است تا ظرفیت‌های لجستیکی گسترده خود را برای ارائه کمک‌های بین‌المللی به کار ببندد.
تاجیکستان از کشورهایی است که هرگونه سازش با دولت طالبان را رد کرده و همواره بر تشکیل حکومت فراگیر با حضور همه اقوام تاکید ورزیده است.
به دنبال تسلط طالبان بر افغانستان، تنش‌هایی میان این گروه و تاجیکستان نیز به وجود آمد که منجر به استقرار نظامیان در دو سوی مرز شد.
اخیرا روسیه نیز ابراز آمادگی کرده که در صورت متوجه بودن تهدیدی علیه تاجیکستان از مرزهای افغانستان، در کنار این متحد خود بایستد.
انتهای پیام/