به گزارش حوزه افغانستان باشگاه خبرنگاران جوان، اشرف غنی، رئیس جمهور در حکمی اعضای شورای عالی مصالحه را مشخص کرد.
این شورا به رهبری عبدالله عبدالله ۴۶ عضو دارد که از شخصیت‌های سیاسی، اعضای شورای ملی و مقامات دولتی تشکیل شده است.
در فرمان اشرف غنی آمده است که شورای عالی مصالحه ملی در یک هفته در حضور عالمان دین، اعضای شورای ملی، اعضای شورا‌های ولایتی، بخش خصوصی، اعضای لویه جرگه مشورتی صلح، نمایندگان شورای عالی صلح پیشین، شخصیت‌های مطرح سیاسی و اجتماعی و نمایندگان منتخب رسانه‌ها، فهرست اعضای مجمع عمومی شورای عالی مصالحه ملی را ترتیب و نهایی کند.
حامد کرزی، رئیس جمهور پیشین افغانستان، امرالله صالح و سرور دانش، معاونین رئیس جمهور، محمد حنیف اتمر، حمدالله محب، نجیبه ایوبی، عبدالسلام رحیمی، محمد معصوم استانکزی، عبدالرب رسول سیاف، گلبدین حکمتیار، کریم خلیلی، عبدالرشید دوستم، محمد محقق و سایر شخصیت‌های جهادی، سیاسی و مدنی افغانستان در این فهرست شامل هستند.
انتهای پیام/