شریف الدین ایموموف، سفیر تاجیکستان در کابل به خبرنگاران گفت که دولت کابل گروهی متشکل از ۸ زندانی تاجیکستانی را که در این کشور در بند به سر می‌بردند به دوشنبه انتقال داده است و در حال حاضر هیچ شهروند تاجیکستان در زندان های افغانستان به سر نمی برند.
به گفته وی، این زندانیان دوره محکومیت باقیمانده شان را در تاجیکستان سپری خواهند کرد.
انتظار می رود که دولت تاجیکستان در جواب به این اقدام افغانستان، ۸۰ زندانی افغان را به کابل برگرداند.
ایماموف در این مورد گفت: «مساله استرداد زندانیان افغان نهایی شده است و در حال حاضر بحث روی زمان تحویل دادن آنها به کابل جریان دارد.»
یادآوری می کنیم که در ماه می سال جاری، صلاح‌الدین ربانی، سرپرست وزارت امور خارجه افغانستان در دیدار با امام علی رحمان، رئیس جمهور تاجیکستان از وی خواست تا زندانیان افغان را به افغانستان مسترد کند. رئیس جمهور تاجیکستان نیز اطمینان داد که در آینده نزدیک ۸۰ نفر از زندانیان افغان را كه در این كشور زندانی هستند، به افغانستان منتقل خواهند شد.
بر اساس آمار وزارت امور خارجه افغانستان، در حال حاضر بیش از ۲۰۰ شهروند افغان در زندان های تاجیکستان به سر می برند.
انتهای پیام/