طرفین طی این دیدار در مورد برگزاری نشست بین دولت افغانستان و پاکستان در رابطه با مسایل اقتصادی بین ۲ کشور در ماه سپتامبر سال جاری در «کابل» تبادل نظر کردند.
این نخستین نشست پس از شرط «اشرف غنی» رئیس جمهور افغانستان محسوب می‌شود که ۲ سال قبل از دولت پاکستان خواسته بود، به طرح توافقنامه سه جانبه ترانزیتی تاجیکستان- افغانستان- پاکستان، هند را نیز الحاق کند.
مشکل به امضا نرسیدن توافقنامه ترانزیتی این ۳ کشور سال ۲۰۱۵ در سفر رئیس جمهور افغانستان به هند آشکار شد.
غنی آن زمان در ملاقات با «مودی» نخست وزیر هند گفت: برای پاکستان شرط گذاشته شده که چنانچه اسلام آباد برای دسترسی هند به افغانستان مانع ایجاد نکند، به این کشور برای دسترسی به بازار تاجیکستان کمک خواهند کرد.
این در حالی است که توافقنامه ترانزیتی تاجیکستان- افغانستان- پاکستان طی سال‌های اخیر از موضوعات محوری دیدار رؤسای جمهور این ۳ کشور، از جمله «امامعلی رحمان» رئیس جمهور تاجیکستان و رئیس جمهور افغانستان بوده است.
امضای این توافقنامه می‌تواند انتقال آسان و ارزان کالا از آسیای جنوبی به تاجیکستان را فراهم کند.
انتهای پیام/