بازگشایی بازارچه های مرزی افغانستان و تاجیکستان

در پی سفر امام‌علی رحمان، رییس جمهور تاجیکستان به ولایت بدخشان بازارچه‌های مشترک میان افغانستان و تاجیکستان که پس از تسلط دوباره طالبان بر افعانستان مسدود شده بود، دوباره بازگشایی شدند.

بازارچه‌های مشترک میان دو کشور در ولسوالی‌های نسی، شغنان، درواز و اشکاشم به‌روی دادوستد بازگشایی شده است.

در مراسم بازگشایی این بازارچه‌ها مقام‌های محلی طالبان و میرزا نبات‌علی شیر خدای‌بیردی، والی ولایت مختار کوهستان بدخشان تاجیکستان حضور داشته‌اند.

این مقام‌ تاجیکستان در دیدار با مقام‌های محلی طالبان هدف از بازگشایی این بازارچه‌ها را فراهم‌آوری شرایط بهتر برای تاجران در دو سوی دریای آمو عنوان کرده است.

گفتنی است که پس از گذشت دو سال از تسلط طالبان بر افغانستان، دولت تاجیکستان تا کنون این گروه را به‌رسمیت نشناخته‌ است و سفارت افغانستان در دوشنبه نیز توسط کارمندان حکومت پیشین اداره می‌شود.