امضای پنج تفاهمنامه همکاری میان افغانستان و تاجیکستان
افغانستان و تاجیکستان پنج تفاهمنامه همکاری در بخش‌های مختلف امضا کردند.
به گزارش حوزه افغانستان باشگاه خبرنگاران جوان، افغانستان و تاجیکستان پنج تفاهمنامه همکاری در بخش‌های مختلف امضا کردند.
ارگ ریاست جمهوری افغانستان اعلام کرد که این تفاهمنامه ها در بخش های سیاسی، امنیتی، تجاری، ترانزیتی، ترانسپورتی، انرژی و فرهنگی امضا شده است.
ریاست جمهوری افغانستان همچنین گفته است که روسای جمهور دو کشور اعلامیه مشترک نشست دو جانبه افغانستان و تاجیکستان را نیز امضا کرده اند.
اشرف غنی، رئیس جمهور افغانستان صبح روز گذشته در راس یک هیات بلندپایه دولتی در یک سفر رسمی دو روزه به تاجیکستان رفت.
هدف از سفر اشرف غنی به تاجیکستان، شرکت و سخنرانی در نهمین نشست وزیران خارجه قلب آسیا – روند استانبول گفته شده است.
انتهای پیام/
