افغانستان با ثبات به نفع همه کشورهای منطقه است

به گزارش خبرنگار حوزه افغانستان باشگاه خبرنگاران جوان، محمد اشرف غنی، رئیس جمهوری اسلامی افغانستان در شهر چینگداو چین با امام علی رحمان، رئیس جمهور تاجیکستان دیدار کرد.

رئیس جمهور تاجیکستان در این دیدار بر همکاری و مبارزه مشترک منطقه ای علیه تروریسم تاکید کرد.

سران دو کشور درباره تقویت و گسترش همکاری های دو جانبه و منطقه ای، به خصوص همکاری های اقتصادی، تجاری، امنیتی و مبارزه با تروریسم بحث و تبادل نظر کردند.

رئیس جمهور تاجیکستان از پروسه صلح به رهبری دولت افغانستان و اعلام آتش بس یکجانبه با طالبان حمایت کرد و آن را برای تأمین صلح و ثبات در منطقه مهم خواند و تأکید ورزید که افغانستان با ثبات به نفع همه کشورهای منطقه می باشد.

رئیس جمهور افغانستان نیز نقش تاجیکستان را در همکاری های اقتصادی و ترانزیتی منطقه ای مهم خوانده و گفت که تاجیکستان به عنوان صادر کننده انرژی برق و افغانستان نقش به سزایی در  اتصال منطقه ای و پیشرفت اقتصادی منطقه دارد.

انتهای پیام/