عبداللطیف روشان به حیث سرپرست وزارت تحصیلات عالی معرفی شد
رئیس‌جمهور غنی، عبداللطيف روشان را به حيث سرپرست و نامزد وزارت تحصيلات عالى معرفى کرده است.
به گزارش حوزه افغانستان باشگاه خبرنگاران، رييس جمهور اشرف غنى، عبداللطيف روشان را به حيث سرپرست و نامزد وزارت تحصيلات عالى معرفى کرده است.
به گفته خبرنامه ارگ ریاست‌جمهوری افغانستان، اشرف غنی در اين مورد يک حکم صادر نموده است.
در حکم آمده: مطابق با حکم فقره یازده ماده ٦٤ قانون اساسی، انتخاب و معرفی عبداللطیف روشان را به عنوان نامزد وزیر، وزارت تحصیلات عالی جمهوری اسلامی افغانستان می‌نمایم.
در خبرنامه آمده، وزیر دولت در امور پارلمانی موظف است، که کاندید موصوف با توجه به فقره سوم مادۀ نود یکم قانون اساسی، برای اخذ رای اعتماد به ولسی جرگه معرفیکند.
عبداللطیف روشان باشندۀ ولایت کابل است که تحصیلات عالی خود را تا سطح دوکتورا در امریکا انجام داده و رئیس پوهنتون خصوصی باختر در کابل می باشد.
انتهای پیام/
